Սեպտեմբերի 21-ը մեր անկախության վերականգման հռչակումն է: Այսօր լրագրողների հետ հանդիպման ժամանակ խոսելով Անկախության 22-րդ տարեդարձի մասին` ասաց քաղաքագետ Սերգեյ Շաքարյանցը:
«Անկախության վերակենդանացման օրը եղել է Մայիսի 28-ին: Թերագնահատել Մայիսի 28-ի նշանակությունը` ամենամեծ սխալն է եղել: Այդ օրը նշանավորվում էր հայի ձեռքով թուրքի ջախջախմամբ: Սեպտեմբերին նման հաղթանակ չենք ունեցել»,-ասաց Սերգեյ Շաքարյանցը` նշելով, որ այս քայլով կտրվել է պատմական ժառանգությունը, ջախջախվել է պատմությունը` վերածվելով կեղծ կատեգորիայի:
«Մեզ համար Անկախությունը բարձրագույն արժեքներից մեկն է և կարևոր կմնա այնքան ժամանակ, մինչև գոնե 50 տոկոսով իրականացնենք Ազատ, անկախ, միացյալ Հայքի գաղափարը, և, եթե դա չկա` ուրեմն չենք հասել լիակատար անկախության»,-նշեց քաղաքագետը` հավելելով.
«Եթե չես իրականացրել ազգիդ առջև ծառացած խնդիրները` դու անկախ չես»:
Անի Կարապետյան
