Հայաստանի Հանրապետության ազգային անվտանգության ծառայության տնօրեն Արթուր Վանեցյանի թեկնածությունն առաջադրվել է Հայաստանի ֆուտբոլի ֆեդերացիայի նախագահի պաշտոնում:
Արտակարգ իրավիճակների նախարարության 27-ամյակի միջոցառման ավարտից հետո լրագրողների հետ զրույցում այս մասին հայտնեց Արթուր Վանեցյանը:
Նա տեղեկացրեց, որ իր թեկնածությունն առաջադրել են Հայաստանի առաջնությանը մասնակցող բոլոր ակումբները: Արթուր Վանեցյանը վստահեցրեց, որ ԱԱԾ տնօրենի և ՀՖՖ նախագահի պաշտոնները կկարողանա համատեղել. «Ժամանակը ցույց կտա, որ չի խանգարի: Ոչ անվտանգությունը կտուժի, ոչ էլ ֆեդերացիայի աշխատանքները»,- նշեց Վանեցյանը:
Արթուր Վանեցյանն ընդգծեց, որ ոլորտն ուսումնասիրել է, ունի ծրագրեր, որոնք պատրաստվում է իրականացնել, իսկ այդ ծրագրերը կներկայացնի ՀՖՖ նախագահի ընտրության օրը:Ինչ վերաբերում է Ֆեդերացիայում հնարավոր խախտումներին, Արթուր Վանեցյանն ասաց, որ եթե խախտումներ հայտնաբերվեն, ընթացք կտրվի, և նշանակություն չունի՝ դա Ֆեդերացիայում է, թե այլ վայրում:
Կարդացեք նաև՝ Սովորեք, որ ես էլ հարցազրույց չեմ տալու, չեմ երևալու. ԱԱԾ տնօրեն Արթուր Վանեցյան
