Վարչապետի աշխատակազմն իր կարիքների համար 2021թ․ դեկտեմբերի 13-ին էլեկտրոնային աճուրդ է հայտարարել և «Մեգնա» ՍՊԸ-ից «Նիվա» մակնիշի 12 հատ ավտոմեքենա է ձեռք բերել։
Այս մասին հայտնում է Hetq.am-ը։
Պետական գնումների armeps.am համակարգի տվյալներով՝ վարչապետի աշխատակազմի և «Մեգնա» ՍՊԸ-ի միջև պայմանագիրը կնքվել է երեկ՝ դեկտեմբերի 22-ին։ Պայմանագրի ընդհանուր արժեքը 69 մլն 600 հազար դրամ է։
Այդ պայմանագրով՝ «Մեգնա» ՍՊԸ-ն պարտավորվել է մինչև 2022թ․ ապրիլի 30-ը վարչապետի աշխատակազմին մատակարարել Lada Niva Legend մակնիշի 12 ավտոմեքենա։ Մեկ ավտոմեքենայի արժեքը 5 մլն 800 հազար դրամ է։
Մատակարարվող ապրանքի տեխնիկական բնութագրում ասվում է, որ ավտոմեքենաները լինելու են 2022 թվականի արտադրության, գույնը՝ սպիտակ։
Ամբողջական նյութը՝ սկզբնաղբյուր կայքում
