Այս իշխանություններից ուրիշ որոշում անհնար էր սպասել, ինչ սպասում էինք, այն էլ եղավ, - ասել է Սամվել Կարապետյանը՝ դուրս գալով դատական նիստերի դահլիճից: Ինչ վերաբերում է իրենց շանսերին, Կարապետյանը դրանք գնահատում է 100 տոկոս:

***

Ազգային բարերար, «Ուժեղ Հայաստան» կուսակցության առաջնորդ Սամվել Կարապետյանը վստահ է՝ իշխանությունները վախենում են «Ուժեղ Հայաստանի» ընթացքից։

Կարծիքը նա հայտնեց դատական նիստից հետո՝ լրագրողների հետ զրույցում։

Լրագրողների դիտարկմանը՝ իշխանությունները պնդում են, թե իրենք չեն նահանջելու, Սամվել Կարապետյանը կարճ արձագանքեց.

«Կստիպենք, որ նահանջեն»։

Հարցին՝ եթե Հայ Առաքելական Եկեղեցուն սատարող իր հայտնի հայտարարությունն ու դրան հաջորդող զարգացումները չլինեին, ինքը քաղաքականություն մտնելու հայտ կներկայացնե՞ր, «Ուժեղ Հայաստան» կուսակցության առաջնորդը պատասխանեց.

«Իհարկե, ոչ։ Այս անարդարությունները ստիպեցին»։

Սամվել Կարապետյանը արձագանքեց նաև իշխանական շրջանակների պնդումներին ու մեղադրանքներին, թե իրեն «ուղղորդում են»  Ռուսաստանից։

«Ռուսաստանը միայն Փաշինյանին է ուղորդում, ինձ ուղղորդում է հայ ժողովուրդը»,- հայտարարեց նա։

***

Սամվել Կարապետյանը տնային կալանքի տակ կմնա ևս 3 ամիս

Որոշումն այսօր ՀՀ հակակոռուպցիոն դատարանում կայացրեց դատավոր Վահե Դոլմազյանը։

Բայց Սամվել Կարապետյանը կարող է հարցազրույցներ տալ` դատարանը վերացրեց նրա նկատմամբ կիրառված հրապարակային խոսքի արգելքը։ Դատական հաջորդ նիստը կկայանա ապրիլի 30–ին ժամը 14:00–ին։

***