«Բայց մե՞զ ա ասել նման բան: Իրեն հարցրեք, եթե մեզ է ասել… Մեր մասին ով որ դոկումենտալ ձայնագրություններ ունի ու չի հրապարակում, կարծում եմ, քաղաքացիներից բան ա թաքցնում: Մեր մասին որևէ մեկը որևէ ձայնագրություն չի կարող ունենալ»,-այս մասին այսօր Աժ-ում լրագրողների հետ զրույցում հայտարարեց «Լուսավոր Հայաստան» խմբակցության ղեկավար Էդմոն Մարուքյանը՝ անդրադառնալով ԲՀԿ ղեկավար Գագիկ Ծառուկյանի այն հայտարարությանը, որ «դոկումենտալ փաստեր» կներկայացնի:
«Եթե ինչ-որ մեկը ինչ-որ մեկին տեսանկարահանում կամ ձայնագրում է, դա ապօրինի է: Այսինքն՝ եթե մեր վերաբերյալ մեկը նման հայտարարություն անի, ես պաշտոնապես հաղորդում կտամ ԱԱԾ-ին, ոստկանությանը և գլխավոր դատախազին, որ մեր վերաբերյալլ ինչ-որ մեկը ապօրինի տեղեկություն է հավաքում»,- նշեց Մարուքյանը:
Հիշեցնենք, որ օրերս ԱԺ ամբոնից ելույթ ունենալով՝ Գագիկ Ծառուկյանն Էդմոն Մարուքյանին սպառնացել էր փաստեր ներկայացնել:
Կարդացեք նաև՝ Ուզում եմ երկու բառ ասել մեր կլասիկ պատգամավորին. Գագիկ Ծառուկյանն Աժ ամբիոնից դիմեց Մարուքյանին
