ՀՀ վարչապետի տիկին Աննա Հակոբյանը ֆեյսբուքյան էջում անդրադարձել է ՄԱԿ գլխավոր քարտուղար Անտոնիու Գուտերեշի համաշխարհային զինադադարi կոչին: Վերջինս գրել է, որ աշխարհը պետք է պայքարի մեկ ընդհանուր թշնամու՝ կորոնավիրուսի դեմ, որը խոցում է բոլորին, անկախ ազգությունից կամ դավանանքից։
Աննա Հակոբյանն այս առիթով գրել է.
«Ներկայում մարդկությունն ունի մեկ թշնամի․ նրա անունը Կորոնավիրուս է, և մեր բոլորի ջանքերը պետք է մեկտեղվեն պայքարելու այդ անտեսանելի արհավիրքի դեմ։
Խաղաղության հաստատման կոչը կենսական նշանակություն ունի, որովհետև մարդիկ պետք է համատեղ ջանքերով համախմբվեն համաճարակի դեմ։
Մարդկությունը չի կարող պատերազմել մի քանի ուղղությամբ՝ միմյանց դեմ, համաճարակի դեմ։
Խաղաղությունն ամենամեծ ձեռքբերումն ու արժեքն է»։
