azatutyun.am-ը գրում է, որ նոյեմբերի 19-ին երեկոյան «Չաո Բամբինո» մանկական սրճարանում փուչիկների պայթյունից այրվածքներ է ստացել 3 երեխա։ Երեխաներից մեկի մայր Տաթևիկ Զաքարյանը «Ազատություն» ռադիոկայանի հետ զրույցում պատմել է, որ սրճարանի արարողությունների դահլիճում ծննդյան տորթը կտրելու ժամանակ պայթել են հյուրերի ձեռքում եղած փուչիկները, ինչից հետո երեք երեխա վնասվածքներով տեղափոխվել է հիվանդանոց։ Երեխաներից մեկը ստացել է 1-2 կարգի այրվածք, մյուս երկուսը վնասվածքներ դեմքի և վզի հատվածում։ Տուժած երեխաների ծնողները դիմել են ոստիկանություն։ Տեսանյութը տրամադրել է ծնողներից մեկը։