Դատարանը բավարարել է Մասիսի քաղաքապետի եղբոր՝ Գոռ Համբարձումյանի նկատմամբ որպես խափանման միջոց կալանավորումն ընտրելու մասին միջնորդությունը:

Այդ մասին ֆեյսբուքյան իր էջում տեղեկացրել է Քննչական կոմիտեի նախագահի խորհրդական Սոնա Տռուզյանը:

«Դատարանը քիչ առաջ բավարարեց նաեւ Մասիսի քաղաքապետի եղբոր՝ Գոռ Համբարձումյանի նկատմամբ որպես խափանման միջոց կալանավորումն ընտրելու մասին միջնորդությունը»,-ասված է գրառման մեջ:

Հիշեցնենք, որ ավելի վաղ կալանվորվել էր Մասիսի քաղաքապետ Դավիթ Համբարձումյանը, ով իր ֆեյսբուքյան էջում բաց նամակ էր հրապարակել՝ դիմելով վարչապետ Նիկոլ Փաշինայնին:

Հիշեցնենք նաև՝ «Մասիսի քաղաքապետ Դավիթ Համբարձումյանի եղբայրը՝ Գոռ Համբարձումյանը, Երեւանում ապրիլի 16-ին բողոքի ցույցերի ժամանակ ծեծի էր ենթարկել ուսանողներին: Ընդ որում, ուսանողների վրա Համբարձումյանը հարձակվել էր ոստիկանների ներկայությամբ, կան նաեւ համապատասխան տեսագրություններ:

Հիշեցնենք, նաև ՀՀ գլխավոր դատախազ Արթուր Դավթյանի կողմից  որոշում էր կայացվել ապրլի 16-ին Երևան քաղաքի Հերացու և Կորյունի փողոցների հատման խաչմերուկում տեղի ունեցած միջադեպի կապակցությամբ քրեական գործ հարուցելը մերժելու մասին ՀՀ քննչական կոմիտեի Երևան քաղաքի քննչական վարչության Կենտրոն և Նորք-Մարաշ վարչական շրջանների քննչական բաժնի քննիչի կողմից կայացված՝ քրեական գործ հարուցելը մերժելու մասին որոշումը վերացնելու մասին:

Կարդացեք նաև՝ Մասիսի քաղաքապետի եղբոր մասնակցությամբ տեղի ունեցած դեպքով քրեական գործ հարուցվեց