«Ես այս ազգից գլուխ չեմ հանում, մի տեղ ասում են՝ թող սև-սպիտակ լինի, մի տեղ... Սա կատակ, բայց կարծում եմ, որ պարոն Մարությանը պարզաբանումներ տվել է, լրացուցիչ պարզաբանման կարիք չկա»,-այսօր լրագրողների հետ զրույցում ասաց ԿԳ նախարար Արայիկ Հարությունյանը՝ անդրադառնալով Հայկ Մարությանի հնչեցրած մտքին, ըստ որի՝ իրենց դեմ խաղ չկա, քանի որ իրենք սպիտակ ուժեր են:
Հավելենք, որ Հայկ Մարությանը բավական մեծ քննադատության է արժանացել, ինչից հետո ասել է հետևյալը.
«Ես ամենևին անթերի չեմ, և կարծում եմ, որ կարող էի ավելի հստակ ձևակերպել խոսքս, և, գուցե, այդ դեպքում տարընթերցումներ չլինեին»։
Նշենք, որ Հայկ Մարությանին իր ելույթի համար քննադատել է նաև ՊՆ նախկին նախարար Վիգեն Սարգսյանը՝ ասելով, որ նա գավառական ծաղրածու է:
Վիգեն Սարգսյանի քննադատությունն էլ անպատասխան չի թողել ԱԺ Ելք խմբակցության պատգամավոր Ալեն Սիմոնյանը.
«Տո այ անտակտ կարերիստ. Ամբողջ կյանքներդ լավ տեքստեր եք գրել ու մարդկանց թալանել, ոչնչացրել: Ասել եք, առաջ Հայաստան ու մտցրել ցեխը, հզոր բանակից եք խոսացել ու տուշոնկա գողացել: Հասարակությունը դուք եք բաժանել, կեղեքել, բանտարկել, ստորացրել ու քշել երկրից` լավ տեքստեր ասելով»-ֆեյսբուքյան իր էջում գրել է պատգամավորը:
Կարդացեք նաև՝
Այ գավառական ծաղրածու...Վիգեն Սարգսյանը՝ Հայկ Մարությանին
Ես ամենևին անթերի չեմ և կարող էի ավելի հստակ ձևակերպել խոսքս. Հայկ Մարության
Անտակտ կարիերիստ, կեղեքիչ ու թալանչի․ Ալեն Սիմոնյանը՝ Վիգեն Սարգսյանին
