Այսօր՝ հոկտեմբերի 16–ին, Կառավարության նիստից հետո լրագրողների հետ զրույցում ԱԱԾ տնօրեն Արթուր Վանեցյանն ասաց, որ Ազգային անվտանգության ծառայությունը շարունակելու է ապահովել ՀՀ երրորդ նախագահ Սերժ Սարգսյանի անվտանգությունը ՝ նշելով, որ դա օրենքի պահանջն է։
Հարցին՝ ինչու Սերժ Սարգսյանին չտրամադրվեց ԱԱԾ ընդունելությունների տունը, Վանեցյանը պատասխանեց.
«Այդ ընդունելությունների տունը ծառայում է պետական համակարգին՝ դրսից եկած պատվիրակությունների ընդունման, ոչ պաշտոնական հանդիպումների համար։ Բացառվում է, որ ԱԱԾ ընդունելությունների տունը որեւէ մեկին տրամադրվի։ Սա վերջին ընդունելությունների տունն է»։
