Մանվել Գրիգորյանի կալանքը խափանման այլ միջոցով փոխարինելու բացառիկ լիազորությունը պատկանում է դատախազին. այս մասին այսօր կառավարության նիստից հետո լրագրողների հետ զրույցում նշեց Հատուկ քննչական ծառայության պետ Սասուն Խաչատրյանը։
«Որպես խափանման միջոց ընտրված կալանավորումը փոխելու բացառիկ լիազորությունը պատկանում է դատախազին», - նշեց նա:
Հարցին՝ հնարավո՞ր է՝ հաշվի առնելով Մանվել Գրիգորյանի առողջական վիճակը՝ ՀՔԾ-ն խափանման միջոցը փոխելու միջնորդությամբ հանդես գա, Սասուն Խաչատրյանն ասաց, որ նման մտադրություն այս պահին դեռևս չկա, քանի որ չեն վերացել կալանքի տակ պահելու հիմքերը։
Հարցին, թե Մարտի 1-ի գործով Մանվել Գրիգորյանը կհարցաքննվի՝ Խաչատրյանը պատասխանեց․ «Չեմ պատասխանելու այդ հարցերին, թե ով կարող է հարցաքննվել և ով՝ ոչ. հարցաքննվելու են բոլորը, ովքեր կարող են կապ ունենալ այդ գործի հետ»։
Կարդացեք նաև՝ Չեմ պատրաստվում Յուրի Խաչատուրովից ներողություն խնդրել. Սասուն Խաչատրյան
