Ինֆորմացիան և տեսանյութերն այս հղումով թարմացվում են․ Հետևեք նաև Asekose.am-ի տելեգրամյան ալիքին։
Թարմացում․ Դատարանը ՍԴ դիմելու միջնորդությունը մերժեց. «Տաշիր կապիտալի» հայցն ընդդեմ ՀԾԿՀ-ի, ՀԷՑ-ի լիցենզիան վերականգնելու վերաբերյալ դատական նիստի ժամանակ հայտարարեց դատական նիստը նախագահող Լիլիթ Սադոյանը։
Նշենք, որ ՀԷՑ–ի փաստաբանական խմբի ներկայացուցիչները դատարան են ներկայացրել միջնորդություն, որպեսզի Սահմանադրական դատարանը ապօրինի ճանաչի էներգետիկայի մասին օրենքում ընդունված այն փոփոխությունները, որով հնարավոր եղավ ՀԷՑ-ը պետականացնել:
«Այս պահի դրությամբ գործի քննության այս փուլում դատարանը դեռևս հիմքեր չի տեսնում ՍԴ դիմելու։ Հետագայում անհրաժեշտություն առաջանալու պարագայում դատարանը իր նախաձեռնությամբ այդ գործընթացը կձեռնարկի»,-ասաց նիստը նախագահող դատավորը:
ՀԷՑ-ի սեփականատերերի ներկայացուցիչներն այսօր նաև միջնորդություն ներկայացրեցին դատարան՝ փորձաքննություն անցկացնել պարզելու՝ ի՞նչ տվյալներ են բացակայել և ի՞նչը հնարավոր կլինի վերականգնել։
Այս միջնորդության վերաբերյալ դատարանը որոշում չկայացրեց, դատական նիստն ընդմիջվեց:
***
|
«ՀԷՑ-ի գործը, որպես էդպիսին, դասագրքային գործ է դառնում, այսինքն՝ ինչպիսին չպետք է լինի կառավարությունը, դատարանը»,- դատական նիստից առաջ, լրագրողների հետ զրույցում, ասել է ՀԷՑ-ի նախկին գլխավոր տնօրեն, «Ուժեղ Հայաստան» կուսակցության խորհրդի անդամ Դավիթ Ղազինյանը։ «ՀԷՑ-ի պետականացում, որպես էդպիսին, գոյություն չունի․ կա խլելու փորձ՝ փոքրիկ խմբակի ընտրողներին ցույց տալու, որ հարուստ մարդուց իբրև թե վերցնում ենք ինչ-որ բան»,- հավելել է նա։ *** Այստեղ միայն ՀԷՑ-ի խնդիրը չէ․ «Տաշիր կապիտալի» հայցն ընդդեմ ՀԾԿՀ-ի, ՀԷՑ-ի լիցենզիան վերականգնելու վերաբերյալ դատական նիստից առաջ լրագրողների հետ զրույցում ասաց «Հայաստանի էլեկտրական ցանցեր» ՓԲԸ-ի տնօրենի նախկին ժամանակավոր պաշտոնակատար Դավիթ Ղազինյանը։ «Եթե հիշում եք, Սամվել Կարապետյանն ասել է՝ թքած ունեմ ՀԷՑ-ի վրա որպես գույք, այստեղ ո՛չ անձի խնդիր է, ո՛չ էլ ֆինանսական խնդիր է։ Եթե Սամվել Կարապետյանը 1 սմ հետքայլ կատարեր, ՀԷՑ-ը փաթեթավորված հանձնելու էին հետ, մի քանի անգամ էլ ներողություն խնդրեին։ Ըստ Ղազինյանի՝ ՀԷՑ-ը խլելու այս փորձն ունենալով՝ հնարավոր չէ, որ խոշոր ներդրող գա ու ներդրում կատարի այս երկրում, փոխարենը թշնամի երկու պետությունների կողմից ներդումները նա հավանական է համարում․ «Մեր թշնամական պետությունները կերազեն այստեղ ունենալ իշխանություն և ներդումներ կատարել նրանց միջոցով․ ինչի՞ փող ծախսել զենքի, զինամթերքի, պատերազմի վրա, եթե ֆինանսական ներդրումներով կգրավեն, և կվերջանա ամեն ինչ»,- ասաց նա։ Դատական նիստին հետևեք ուղիղ եթերով՝ ստորև․ |
