Սաղ պարերը պարել էինք՝ մնացել էր Շանդալոլոն:
Սփյուռքահայ հայտնի դեմքերը՝ Ատոմ Էգոյանը, նրա կինը՝ Արսինե Խանջյանը, Սերժ Թանկյանը եւ էլի մի 20 հոգի հանդես են եկել նույնասեռականությունը պաշտպանող հայտարարությամբ: Համարում են, որ ՀՀ կառավարության կողմից ներկայացված Գենդերային հավասարության մասին օրենքը ,,հակասում է մեր արժեքներին,,: Սակայն, ոչ այն իմաստով, ինչպես մենք ենք հասկանում: Հայտնի է, որ այդ օրինագիծը բարձրացված աղմուկից հետո հիմա փոփոխությունների է ենթարկվում, փորձում են օրինագծի տեքստի հանել ,,ձեռքբերովի, սոցիալապես ամրագրված վարք,, արտահայտությունը:
Ինչը, փաստորեն, դուր չի եկել Էգոյանին, Թանկյանին եւ մյուսներին:
,,Նույնասեռականության դեմ այս օրինագիծը Հայաստանում խոցելի մարդկանց եւ ընդդիմադիր ձայների նկատմամբ անհանդուրժողականության մտահոգիչ օրինակ է...Մտահոգ մարդիկ չպետք է անտարբեր մնան, երբ ԼԳԲՏ մեր բարեկամները թիրախավորվում եւ պիտակավորվում են,,-հայտարարում են սփյուռքահայ հայտնիները:
Այ, քեզ բա՜ն...
Չես հասկանում, նրանք հայաստանյան ընդդիմադիրներին էլ են համարում նույնասեռականներ:
Պարզվում է նաեւ, որ հայազգի արվեստագետներն առավելապես մտահոգված են ոչ թե Հայաստանում ապրող նորմալ մարդկանց, այլ՝ լեսբուհիների, բիսեքսուալների, տրանսվեստիտների ճակատագրով...
Ֆեյսբուք
