Նշենք, որ Փաշինյանի աջակիցները, թվով շուրջ 7 հոգի, հավաքվել են Հանրապետության հրապարակում ու բողոքի ակցիա են իրականացնում ընդդեմ Մհեր Մկրտչյանի «Իշխանություն 2» ֆիլմի, որի պրիմերան կայացել է երեկ։ Նրանք պնդում են, թե այդ ֆիլմը այլևս չպետք է ցուցադրվի։

«Մենք պիտի այնպես անենք, որ մեր վարչապետի մասին նման սուտ տարածող ֆիլմ այլևս չցուցադրվի։ Ձեզանից յուրաքանչյուրը հրապարակում պիտի ցույց տա, թե ինչքանով է վարչապետի կողքին»,- գրել էին Փաշինյանի աջակիցներն իրենց ֆեյսբուքյան էջերում։ Նրանք նաև սպառնացել են, որ պատրաստվում են ֆիլմի պաստառներ այրել։ Չնայած նրանց կոչ-գրառումներին իրենց «+»-ներով բավականին թվով մարդիկ էին արձագանքել, այնուամենայնիվ, պայմանավորված ժամին այդ վայրում մի քանի մարդ էր հավաքվել: