«Երբ եկեղեցին առողջ է, հոգևորականները քաջ ու հավատարիմ հովիվներ ու առաքյալներ են և մենք բոլորս Քրիստոսի օրինակով ենք ապրում, Հայաստանը բարձրանում է։ Երբ եկեղեցին վիրավորված է, երբ մարդը մարդու դեմ է դուրս գալիս, մոռանում է Քրիստոսին, Հայաստանը տառապում է»,- պատարագի ժամանակ իր խոսքում ասաց Դանիել Սրբազանը։ Նա նշեց, որ մեր խաղաղությունը, լույսը, միասնականությունը մեր փրկությունն է․ «Չպիտի թողնենք, որ մեր Առաքելական սուրբ եկեղեցին վերածվի աշխարհիկ կառույցի, քաղաքական պայքարների ու քայքայիչ շեղումների․ այն պիտի արժանացնենք Քրիստոսի մարմնին»,- ասաց նա։