Համացանցում տեսանյութ է տարածվել, որով ահազանգ է հնչեցվում, որ հայկական բեռնատարները երեկվանից արգելափակված են Լարսի անցակետում. վարորդները նշում են, որ հայկական բեռնատարների շարասյունը հասնում է 6-7 կիլոմետրի:
«Չեն թողնում անցնենք ու վերջ: Ոչ մի պարզաբանում չեն տալիս՝ ինչու հենց մենք»,- ասում են նրանք: Բեռնատարների մեծ մասը տեղափոխում է շուտ փչացող պտուղ-բանջարեղեն: Խնդրին բախված գորրծարարներն ու վարորդները պահանջում են պատկան մարմիններին՝ հարցին շտապ լուծում տալ, քանի որ իրենց կրած վնասները ժամ ժամի կրկրանապատկվում են:
