Այսօր ԱԱԾ տնօրեն Արթուր Վանեցյանը պատասխանել է Դավիթ Սանասարյանին առաջադրված մեղադրանքի վերաբերյալ լրագրողների հարցերին: Հարցին՝ Դավիթ Սանասարյանն ասում էր, որ այս ամենը միջիշխանական կռիվ է, Վանեցյանն արձագանքեց՝ «այսինքն՝ ԱԱԾ-ն ՊՎԾ-ի հետ ի՞նչ ունի կիսելու»:

Լրագրողի դիտարկմանը, ինչո՞ւ հեղափոխությունից հետո, ի տարբերություն մյուս կառույցների, ԱԱԾ-ում կոռուպցիոն դեպքեր չբացահայտվեցին, Վանեցյանն արձագանքեց՝ «վստահ ե՞ք, որ չի բացահայտվել», դիտարկմանը՝ ապա ինչո՞ւ հանրությունը չիմացավ դրանց մասին, Վանեցյանն ասաց, որ նպատակահարմար չեն գտել տեղեկացնելու:
«Եթե կլինի մի դեպք, երբ ՀՀ ԱԱԾ-ն ինչ-որ մի անձի նկատմամբ կիրականացնի ապօրինի հետապնդում, ես այդ օրը պատրաստ եմ պատասխան տալ թե՛ օրենքի առջև, թե՛ հասարակության առջև: Հորդորում եմ բոլորին՝ չփորձել արհեստական աղմուկ սարքել ԱԱԾ-ի շուրջ, որևէ մեկը իրավունք չունի ԱԱԾ-ի հետ խոսել շանտաժով կամ փորձել վախեցնել, որպեսզի մենք մեր գործառույթները չիրականացնենք»:

Եթե Դավիթ Սանասարյանի մեղադրանքը չհաստատվի,  պատրա՞ստ եք հրաժարական տալ հարցին՝ ԱԱԾ պետն պատասխանեց՝ «իսկ ինչո՞վ է տարբերվում Դավիթ Սանասարյանն այլ քաղաքացիներից: Եթե կապացուցվի, որ Սանասարյանի նկատմամբ գործի շրջանակում թույլ են տրվել կեղծիքներ, ապօրինություններ և այլն, պատասխան կտան օրենքի առջև»:

Հարցին՝ եղավ հրապարակում, որտեղ նշվում է, որ կա տեսանյութ, որտեղ Դավիթ Սանասարյանը կաշառք է վերցնում: Դուք տեղյա՞կ եք՝ կա՞, թե՞ ոչ այդպիսի ապացույց գործում,  Վանեցյանը պատասխանեց. «Չեմ կարծում, որ անդամահատության կարիք է լինելու»:

Հիշեցնենք, որ Դավիթ Սանասարյանն ասել էր. «Ձեռքս կկտրեմ այն լրատվամիջոցում, որն 1-ինը կտեղադրի կաշառք վերցնելու տեսանյութը»:

Կարդացեք նաև՝ Հա՞, էլ թափանցիկ չե՞ք... Նիկոլ Փաշինյանն՝ Արթուր Վանեցյանին