Երեկ՝ մարտի 12-ին, Արթիկ քաղաքի Շահումյան փողոցից թմրանյութ պահելու և օգտագործելու կասկածանքով ոստիկանության Արթիկի բաժին են բերման ենթարկել մի քանի անձանց։

Ինչպես հայտնում է shamshyan.com-ը՝ նրանք են՝ Արմավիրի մարզի Հայկավան գյուղի բնակիչ՝ 29-ամյա Ժիրիկ Սիրեկանյանը, ով եղել է Toyota Prado մակնիշի 77 MՍ 779 համարանիշի ավտոմեքենայով, Երևան քաղաքի Նոր Նորք վարչական շրջանի բնակիչ՝ 28-ամյա Խաչատուր Խաչատրյանը, ով եղել է Ford Escape մակնիշի 68 SG 068 համարանիշի ավտոմեքենայով, Երևան քաղաքի բնակիչներ՝ 37-ամյա Անատոլի Տերյանը, 26-ամյա Սարգիս Տերյանը և Արմավիրի մարզի Արմավիր գյուղի բնակիչ՝ 46-ամյա Գևորգ Իսրայելյանը։

Ա. Տերյանի մոտ հայտնաբերվել են դեղահաբեր՝ «Պրեգաբալին» գրառմամբ տուփով, իսկ Ա. Տերյանը հայտնել է, որ դեղահաբերը հանդիսանում են «Մեթադոն» տեսակի դեղահաբեր և այն 2018 թվականի հոկտեմբերին իրեն է տվել «Արթիկ» ՔԿՀ-ի դատապարտյալ, «Քյալո» մականվամբ Անդրանիկ Շահինյանը։ Գ. Իսրայելյանի մոտ էլ հայտնաբերվել է 1 հատ օգտագործված դատարկ ներարկիչ, իսկ Toyota-ի մեջ հայտնաբերվել են 1 հատ օգագործված ներարկիչ, 30 հատ «Լ-484» գրառմամբ դեղահաբ և 6 հատ «Եֆֆեռալգանմեդ» գրառմամբ դեղահաբեր։

Ըստ տեղեկությունների՝ Ա. Տերյանը «Արթիկ» ՔԿՀ-ից ազատվել է մարտի 12-ին, Գ. Իսրայելյանը 2018 թվականի նոյեմբերի 6-ին ազատվել է Ազգային ժողովի համաներումով, «Քյալո» մականվամբ Ա Շահինյանը մահացել է 2018 թվականին, իսկ Խ. Խաչատրյանը ոստիկանությունում հայտնել է, որ ինքը աշխատում է ՀՀ Սփյուռքի նախարարության պետական ոչ առևտրային կազմակերպություններից մեկում՝ որպես տնօրենի տեղակալ։

Նյութը՝սկզբնաղբյուր կայքում