44-օրյա պատերազմում նահատակված 19-ամյա Հակոբ Մելիքբերկյանի մորը՝ տիկին Ստելլային․
«Ձեզ մխիթարություն եմ մաղթում Աստվածամոր՝ զավակին վերստին զոհաբերած մարդու նկարագրի մեջ։ Հիսուսի կյանքի վերջին օրերի պատմությունը միայն պատմելու համար չէ, այլ ապրելու։ Դուք և Հակոբը այդ ապրելու մեծագույն օրինակն եք․ Աստված այնքան սիրեց աշխարհը, որ իր զավակին տվեց այդ աշխարհի փրկության համար, Ձեզ համար սա միայն խոսք չէ, այլ՝ Աստվածային ճշմարտություն։ 2000 տարին չի հնացրել Հիսուսի պատմությունը։ Ես Ձեզ, Ձեր ընտանիքին և մեր նահատակ բոլոր զավակների ընտանիքներին այդ մխիթարությունն եմ մաղթում, մաղթում եմ Աստծո մխիթարությունը, որովհետև մարդկային մխիթարությունը շատ տկար ու քիչ է»։
