Լրագրող Լիա Սարգսյանը ֆեյսբուքյան իր էջում հայտնում է. «Աղմկահարույց կրակոցներն ու սպանությունը եղել է կնոջ պատճառով. նոր մանրամասներ
«Իշխանություն» լրատվականի տեղեկություններով՝ Երևանում տեղի ունեցած աղմկահարույց կրակոցներն ու սպանությունը եղել է կնոջ պատճառով։
Կրակոցների կիզակետում Աջափնյակում փողոցային կյանքով հայտնի Նարեկն է։ Ըստ մեզ հասած տեղեկությունների՝ նա փորձել է քայլեր անել միջադեպի մյուս կողմի տղաներից մեկին մտերիմ կնոջ նկատմամբ, ինչն էլ դարձել է լարվածության պատճառ։
Կենցաղային վեճը կարճ ժամանակում սրվել է և վերածվել հրաձգության, որի հետևանքով կա զոհ: Սկզբում միմյանց դանակահարել են, հետո գործի են դրել ավտոմատներ:
Տեղեկություններ էին շրջանառվում, թե դեպքը կարող է կապ ունենալ Ֆազի ընտանիքի հետ, սակայն մեր աղբյուրները պնդում են, որ դա չի համապատասխանում իրականությանը։ Ֆազի եղբայրը՝ Գրիգոր Գրիգորյանը, այս պահին Հայաստանում չէ, և որևէ առնչություն չունի տեղի ունեցածի հետ»:

***

Նախօրեին Երևանի Աջափնյակ վարչական շրջանում տեղի ունեցած ողբերգական միջադեպի մասնակիցները հենց Աջափնյակ վարչական շրջանի այդ տարածքի բնակիչներ են։ Ու թեև ըստ ՆԳՆ–ի, շրջանակը պարզվել է, սակայն «Նյուզ»-ի տեղեկություններով դեպքի վայրից փախուստի դիմած անձինք կան, որոնք մինչև այս պահը չեն հայտնաբերվել։