Առողջապահության համաշխարհային կազմակերպությունը կորոնավիրուսը հայտարարեց համաշխարհային համաճարակ։ Կազմակերպության գլխավոր տնօրենը կոչ արեց կառավարություններին առավել համակարգված և արդյունավետ քայլեր ձեռնարկել սեփական քաղաքացիների առողջությունը պահպանելու համար: 
«Յուրաքանչյուր պետություն կարող է իր ներդրումն ունենալ համաճարակի դեմ պայքարում»,- Ժնևում մամուլի ասուլիսում հայտարարեց Թեդրոս Գեբրեսիուսը:
«ԱՀԿ-ն կարծում է, որ ներկայիս բռնկումը պանդեմիա է: Մոտ օրերս մենք ակնկալում ենք, որ կորոնավիրուսի հետևանքով վարակման, մահվան դեպքերի թիվը կաճի… Մենք եզրակացության ենք եկել, որ COVID-19 կորոնավիրուսը վերածվել է պանդեմիայի»,- թվիթթերի իր էջում գրել է Թեդրոս Ադանոմ Գեբրեյեսուսը:
Հիշեցնենք, որ այսօր Հայաստանում կորոնավիրուսի երեք նոր դեպք է հաստատվել
