Քաղաքական գործիչ Անդրիաս Ղուկասյանն իր մտահոգություններով է կիսվել ֆեյսբուք սոցիալական ցանցում առաջիկա Երեւանի ավագանու ընտրությունների վերաբերյալ։
Իր մտահոգությունները նա հիմնավորել է հետեւյալ փաստերով.
«Փաստ 1-ին՝ Տիգրան Մուկուչյանը շարունակում է ղեկավարել ընտրական համակարգը։ Փաստ 2-րդ՝ Սերժ Սարգսյանը նշանակել է 475֊ից 262 տեղամասային ընտրական հանձնաժողովի ղեկավարներին։
Փաստ 3-րդ՝ «Քաղաքացիական պայմանագիր» կուսակցության կողմից առաջադրված քաղաքապետի թեկնածուն հայտարարում է, որ իրենց հաղթանակը երաշխավորված է։
Փաստ 1-ին + Փաստ 2-րդ + Փաստ 3-րդ = տապալված ընտրություններ։
Դժվար է պատկերացնել սրանից ավելի մեծ վնաս Հայաստանի ժողովրդավարության համար»,– գրել է Անդրիասյանը։
Նշենք, որ քաղաքական գործիչ Անդրիաս Ղուկասյանը ճարտարապետ Անահիտ Թարխանյանի ամուսինն է, իսկ Թարխանյանն առաջադրվել է Երեւանի ավագանու ընտրություններին որպես քաղաքապետի թեկնածու «Երեւանի հանրություն» նախաձեռնության կողմից։
