ՀՀ փոխվարչապետի պաշտոնակատար Մհեր Գրիգորյանը և Եվրոպական հանձնաժողովի հարևանության և ընդլայնման հարցերով հանձնակատար Օլիվեր Վարհեին հանդես են եկել հայտարարություններով․ «Եվրոմիությունը շարունակում է մնալ կարևոր գործընկեր Հայաստանի համար։ Ցավում եմ Լեռնային Ղարաբաղի հակամարտության ընթացքում զոհերի համար։ Այս համատեքստում 9-10 միլիոն եվրոյի մարդասիրական օգնություն ենք համախմբել։
Այդ օգտությունը շատ մոտ ապագայում կցուցաբերվի հակամարտությունից տուժած անձանց։ Եվ ուզում եմ հաստատել, որ Եվրոմիությունը պատրաստ է ակտիվ դերակատարում ստանձնել մարտական գործողություններին հաջորդած իրավիճակում և աջակցել վստահության ամրապնդման միջոցառումների իրականացմանը՝ առաջին հերթին հաղթահարելու մարդասիրական ճգնաժամը»,-հայտարարել է Վարհեին։
