«Կա հաշվարկ, որն արված է 1985 թվականին, կա աշխատանքային խումբ, որն անընդհատ աշխատանքներ է տանում այդ ուղղությամբ: Երկու կայարանի մասին է խոսքը գնում, բնականաբար սկզբում կլինի առաջինը, հետո՝ երկրորդը: Մեկ կայարանը կլինի առայժմ, այնուհետեւ երկու»: Այս մասին այսօր Երեւանի քաղաքապետարանի ավագանու նիստից հետո լրագրողների հետ զրույցում ասաց քաղաքապետ Հայկ Մարությանը՝ անդրադառնալով Երեւանի գլխավոր ճարտարապետ Արթուր Մեսչյանի հայտարարությանը, թե Երեւանում մետրոյի նոր կայարաններ են կառուցվելու:
«Մեկը կլինի Թումոյի մոտ, մյուսը շարունակվում է Կվարտալ: Առաջինը ավելի մոտ ժամանակներում կլինի, երկրորդը՝ ավելի հեռու: Մեկ կիլոմետր մետրոյի արժեքը միջին հաշվարկով արժե 100 միլիոն դոլարին համարժեք ՀՀ դրամ»:
Հայկ Մարությանի ճեպազրույցն ամբողջությամբ՝ տեսանյութում
Կարդացեք նաև՝ Երևանցիների գաղափարների իրականացման համար բյուջեից կտրամադրվի շուրջ 500 մլն դրամ. Հայկ Մարության
