ՀՀ վարչապետ Նիկոլ Փաշինյանի՝ արտաքին հարաբերությունների գծով խորհրդական Արսեն Խառատյանը ֆեյսբուքյան իր էջում տեսանյութ է հրապարակել, որին կից գրել է. «Հայաստանը Վրաստանի հետ կապող ռազմավարական նշանակություն ունեցող ճանապարհները Սերժ Սարգսյանի Հայաստանում մի քանի տարի հնարավոր չէր լինում նորոգել:
Ընդամենը 1 ամիս պահանջվեց հյուսիսի 3 միջպետական ճանապարհներից մեկի, Տավուշի վատթարագույն` Սարիգյուղ-Ոսկեպար հատվածը մեծամասամբ հիմնարար վերականգնելու համար: Այս տեմպով նորոգման աշխատանքները շարունակելու պարագայում մինչև ամառվա վերջ ավարտված կլինի նաև Ջուջևան-Նոյեմբերյան հատվածը: Զուգահեռաբար աշխատանքներ են տարվում Լոռվա ձորի ճանապարհի նորոգումն ավարտին հասցնելու համար:
Ակնհայտ է, որ այս ու նմանատիպ այլ բազային խնդիրներ լուծելու համար կախարդական փայտիկի կարիք չկա, եթե առկա է կոռուպցիան արմատախիլ անելու քաղաքական կամքը:
Բոլորիս անվտանգ երթևեկություն եմ մաղթում...»
Տեսանյութը՝ Արսեն Խառատյանի ֆեյսբուքյան էջից
