ԱԻՆ քարտուղարությանը էլեկտրոնային նամակով հաղորդագրություն է փոխանցվել, որ Երևանի մետրոպոլիտենի կայարաններում և Զվարթնոց օդանավակայանում պայթուցիկ սարքեր են տեղադրված:
Այս մասին տեղեկացրել է ԱԻՆ մամլո խոսնակ Հակ Կոստանյանը:
«Այս պահին բոլոր կայարաններում դադարեցվել է մետրոյի աշխատանքները, տեղում կինեոլոգիական և սակրավորական խմբեր են աշխատում, նույն իրավիճակը Զվարթնոց օդանավակայանում է, բայց այնտեղ տարհանում չի իրականացվել»,- մանրամասնել է նա:
ԱԻ նախարարության և ոստիկանության կինոլոգիական ու սակրավորական խմբերի կողմից «Զվարթնոց» միջազգային օդանավակայանում և Երևանի մետրոպոլիտենի Բարեկամության, Չարբախի, Շենգավիթի, Բաղրամյան կայարաններում տեղազննման աշխատանքների արդյունքում պայթուցիկ սարքավորումներ չեն հայտնաբերվել։
Մետրոպոլիտենի մյուս կայարաններում տեղազննման աշխատանքները շարունակվում են։
