«Ոչ ոք թուրքերի հետ այնպիսի խնդիր չունի, ինչպիսին մերն է: Քրդերն ու թուրքերը կարող են համաձայնության գալ այնպես, ինչպես արել են հայկական հարցի դեպքում: Քրդերը դարձան գործիք՝ Արևմտյան Հայաստանում ցեղասպանություն կազմակերպելու համար, տիրեցին մեր հողերին ու դա փորձում են հայրենիքի վերածել: Լավ տաղանդ ունեն»,-լրագրողների հետ հանդիպման ժամանակ նման կարծիք հայտնեց քաղաքագետ Լևոն Շիրինյանը:
Նրա խոսքով՝ քրդերը պետություն չեն ունենա, քանի որ երկու խնդիր կա.
«Հակառակորդները շատ են, իրենք էլ թուրքերի հետ համաձայնության, զիջումների գալու մեծ շնորհք ունեն: Ավելին, քուրդ ժողովուրդ գոյություն չունի, դրանք աշիրեթներ են: Ինչ վերաբերում է հզոր երկրներին, ապա ԱՄՆ-ին պետք է հզոր Իրաք, որը կհակադրվի Իրանին, իսկ Իսրայելին էլ թույլ Իրաք է անհրաժեշտ»,-նշեց քաղաքագետը:
Լևոն Շիրինյանը հորդորեց այս ամենին հեռվից նայել, և ինչքան թուրքերը զբաղվեն այդ գործով, այնքան սա մեզ ձեռնտու կլինի:
«Պետք է Արցախի հարցում ավելի ճկուն քաղաքականություն վարենք, քանի թուրքերը զբաղված են»,-ընդգծեց քաղաքագետը:
Անի Կարապետյան