|
Բլոգեր Արամ Գևորգյանը ֆեյսբուքյան իր էջում գրում է. «Աննա, մեկ ա, քեզ ոչ մի բան չի փրկելու։ Եթե անգամ հայտարարես, որ նիկոլը քեզ էլ էր կոմպրոմատով պահում կողքը, սկսես պատմել նիկոլի արած-չարածների, ծրագրած ու իրականացրած դավաճանությունների մասին, մեկ ա, քո արածների ու գործած մեղքերի համար քեզ փրկություն չկա։ Հատկապես 2021 թվից հետո ոչ մի նիկոլականի ներում չի հասնում, առավել ևս՝ քեզ։
Բայց կարևորը ֆիքսեցինք, որ նիկոլին դաժե քո պես սատանեն չի կարողանում հանդուրժել, էլ ուր մնաց արժանապատիվ ժողովուրդը հանդուրժի»։
***
|
Երգչուհի Շպռոտը` Անի Թովմասյանը, ֆեյսբուքյան իր էջում գրում է․ «Աննայի վիդեոն լսեցի։ Չգիտեմ, ցավ տեսա ձայնի մեջ։ Գիտեմ, շատերդ չեք հավատում, բայց որպես կին ցավ զգացի։ Տղամարդը շատ անգամ գնում ա իր ամբիցիաների հետևից, իսկ կինը կամ պիտի խոնարհվի և լինի ընկեր իր ամուսնուն, կամ ընտրի անկախությունը, որը լավ տեղ չի տանում։ Սկզբում ազատ կշնչի անկախ կինը, շատ թեթև կզգա։ Հետո կսկսի աշխատել և ինքնուրույնանալ։ Հենց զգաց ինքնուրույն լինելու հաճույքը՝ էլ հետ չես բերի։ Կկոպտանա, բայց կլինի ինքնուրույն։ Ազատության համը տեսած կնոջը դժվար կլինի հետ բերելը։ Հիմա նա կստեղծի միայն իր անձի համար։ Հիմա կենտրոնում Ես-ն է՝ իր անձը։ Կկարդա հոգեբանական գրքեր, թե ինչպես արթնացնես ներքին աղջկան, ֆեմինիստական լիքը դուխ տվող գրքեր։ Որոշ ժամանակ ազատությունը կվայելես։ Եթե փող էղավ՝ կճամփորդես մենակ։ Կփորձես նոր ապրումներ ու նորից կհավատաս Սիրուն։ Կսիրահարվես, բայց սիրտդ կկոտրեն։
Հետո, եթե բախտդ բերի, կոտրված սրտի ժամանակ նորից Աստվածաշունչ կկարդաս, բայց էս անգամ ուրիշ աչքերով։ Սա կլինի էն ժամանակ, երբ ազատ կնոջ կերպարը կհոգնեցնի։ Երբ բոլոր մեդիտացիայի ու յոգայի կուրսերից զզված՝ Քրիստոսին կդիմես։ Ու էս անգամ Սրտով կուզես Հնազանդ լինես Ամուսնուդ՝ ում գլուխը Քրիստոս է։ Եթե բախտդ բերեց, կսկսես կարդալ Հայ փիլիսոփաներից Տաթևացուն, կամ Կողբացուն։ Էս անգամ ուրիշ աչքերով, բայց մինչև Նրանց հասնելը՝ քեզ կգրավեն Դիպակ Չոպրան և Լուիզա Հեյը, Կարլոս Կաստանիեդան կամ Էկհարթ Թոլլեն, Օշոն կամ Կրիշնամուրտին…Կարևորը վերջում տուն գաս ու Ես-դ փնտրելու ժամանակ էգոիստ չդառնաս։ Հոգեբաններին շատ չվստահես և ծնողներիդ չմեղադրես։ Մենակությունը չդառնա կամֆորտ զոնա։
Քրիստոս թող խաղաղացնի սիրտդ, Աննա Հակոբյան»։
***
|
|
Քաղաքագետ Արա Պողոսյանը ֆեյսբուքյան իր էջում գրում է. «Նիկոլ Փաշինյանի ու մնացածի մեջ կա մեծ տարբերություն` Նիկոլը քաղաքականությամբ ապրում է, իսկ մյուսները` զբաղվում։
Քաղաքականությամբ ապրել, նշանակում է ընտանեկան ու մյուս բոլոր հարաբերությունները պայմանավորել քաղաքական շահով, և ո՛չ հակառակը։
Քաղաքականությունը կյանք է, որը ո՛չ թե սկսվում է առավոտյան ժամը 9:00-ին ու ավարտվում երեկոյան 18:00-ին, այլ սկսվում է մի օր, ու ավարտվում այն ժամանակ, երբ քաղաքական ակտորը սպառվում է` բարոյապես, ֆիզիկապես և այլն։
Քաղաքականությունը հաշվարկներ է, ինչպես և հասարակության վրա սենտիմենտներ վաճառելը։ Կարևորը դրանից բխող շահն է, իսկ մնացածը ժամանակավոր»։
|
|
