▲ Դեպի վեր

lang.iso lang.iso lang.iso

Մեծարենցի հոգեթով երգն ու Project LA-ի նոր տեսահոլովակը

Արմինե Անտիկյանը ֆեյսբուքյան իր էջում ներկայացրել է Project LA-ի նոր տեսահոլովակն ու գրել․ 

Ռեժիսոր և պրոդյուսեր Սուրեն Սահակյանի չքնաղագույն աշխատանքի, Մոնիկա Բալդրյանի հուզական ու այնքան նրբագեղ պարի, Լիանա Ռուստամյանի անզուգական թռչնատառերի և Գոռ Սուջյանի աննման մեկնությամբ Project LA -ի և Մեծարենցի հոգեթով երգը վերջապես պատկեր ու կերպ առավ։

LA ջան, ընդունիր հոլովակը որպես նվեր և շնորհավոր դեկտեմբերի 1։

Նշենք, որ դեկտեմբերի 1-ին լրանում  է  Project LA-ի՝ Երևանում կայացած առաջին համերգի 6-րդ տարին։

Դեկտեմբերի 1-ին լրանում է նաև Project LA-ի հիմնադիր և բոլոր երաժշտությունների հեղինակ Լևոն Արևշատյանի և լրագրող, արվեստագետ Արմինե Անտիկյանի ամուսնության 20-ամյակը։

Ցայգանվագ

Կուգա սիրերգն հեղեղատին
     անտառներու մեջ մենիկ,
երբ ժըխորներ պահ մ’ընդհատին,
     հասնի գիշերն երջանիկ.

Արևելքի գիշեր մը ջինջ,
     շափյուղազարդ երկինքով,
ուր հեշտություն է ամեն ինչ,
     ամեն իր լի բուրմունքով:

Ծառաստվերի տակ սխրալի,
     բուներուն մոտ ու հեռու,
ջինջ հեղեղը կը թավալի
     արծաթացող լույսերու:

Ու կը շրջի անտես ոգին
     հոն անտառի ծառերուն`
խարշափն որոնց թույլ, հեշտագին,
     կը նվագե օրորուն:

Պիշ կը դիտեմ սաղարթախիտ
     արահետները նրբին,
ու երազներս ականակիթ
     հետզհետե կը թափի՜ն…

… Դեռ մինչև ե՞րբ, ըսե՜, հոգի́ս,
     դեռ մինչև ե՞րբ տառապիմ՝
պրպտելով անրջանքիս
     թոշ ծաղիկը մտերիմ:

Գուցե վաղը մթնե հոգիս,
     գուցե դո՜ւն ալ թարշամիս,
մ’եղծեր հըմայքն անրջանքիս
     ու ծաղիկը պաշտումիս…

Այլ կայքերից և տելեգրամ-ալիքներից վերահրապարակումների սկզբնաղբյուրը նշվում է. Դրանցում տեղ գտած մտքերն ու ինֆորմացիան կարող են չհամընկնել խմբագրության տեսակետի հետ: Ձեր տեսակետը կամ հերքումը կարող եք ուղարկել info@asekose.am-ին, որը կհրապարակվի անմիջապես
Շոու-բիզնես ավելին