Ի՞նչ ստանդարտների պետք է բավարարի ընկերությունը Լոնդոնի ֆոնդային բորսայում ցուցակվելու համար, և ինչպիսի՞ պահանջներ են առաջադրվում դրա համար․ այսօր այդ մասին Civilnet-ի հետ զրույցում խոսել է «Ֆինարմ» ֆինանսական շուկայի մասնակիցների ասոցիացիայի գործադիր տնօրեն Կարեն Զաքարյանը՝ անդրադառնալով Ամերիաբանկի և BOGG PLC միջազգային ֆինանսական խմբի հնարավոր գործարքին, քանի որ վերջինս ցուցակված է Լոնդոնի ֆոնդային բորսայի պրեմիում հարթակում։
Փորձագետի խոսքով՝ Լոնդոնի ֆոնդային բորսայում ցուցակվելու համար ընկերությունները պետք է համապատասխանեն կորպորատիվ կառավարման բարձրագույն ստանդարտներին։ Օրինակ, Անգլիայում գործում է Կորպորատիվ կառավարման կանոնագիրքը, որը թեև օրենքի ուժ չունի, սակայն ընկերությունները պետք է հետևեն դրան բորսայի պրեմիում հարթակում ցուցակվելու համար։
«Դրա պահանջներից մեկը, օրինակ, տնօրենների խորհրդում անկախ տնօրեններ ունենալն է, որոնք պետք է մեծամասնություն կազմեն։ Նրանք սովորաբար շատ հեղինակավոր մարդիկ են լինում, ինչը շատ լուրջ երաշխիք է, որ այս ընկերությունը որևէ տեսակի խարդախությունների մեջ չի ներգրավվելու կամ զարտուղի ճանապարհներով չի գնալու»։
Հարցազրույցն ամբողջությամբ՝ տեսանյութում
