Երեկ՝ ուշ երեկոյան, արտաքին գործերի նախարար Մասիս Մայիլյանի ուղեկցությամբ ԱՀ նախագահ Արայիկ Հարությունյանն այցելել է Ադրբեջանի զինուժի հրետակոծությունից Մարտունի քաղաքում վիրավորված Le Monde-ի թղթակիցներին` Յաղոբզադեն Ռաֆայել Շառլզին և Ալան Կավալին:
Տեսանյութն Արցախի նախագահը հրաարակել է ֆեյսբուքյան իր էջում եւ նշե. «Մեր բժիշկների արագ և արհեստավարժ աշխատանքի շնորհիվ նրանց կյանքին այևս վտանգ չի սպառնում»:
Բժիշկը նշում է, որ առավել ծանր վիճակում գտնվող ֆրանսիացի լրագրողի ներքին օրգանները չեն վնասվել, ունեցել է աջ սրունքի բազմաբեկոր կոտրվածք, բազմաթիվ պատռված վերքեր, հաջողվել է նրան դուրս բերել տրավմատիկ շոկից եւ վիճակն այժմ ծանր կայուն է:
Արցախի նախագահը նշել է, որ հայ եւ ֆրանսիացի ժողովուրդներն աղոթում են նրանց շուտափույթ ապաքինման համար:
Մյուս վիրավորն Արցախի նախագահի հետ զրույցում հայտնեց, որ ինքը լավ է զգում, Արցախը հրաշալի բժիշկներ ունի, գոհ է բոլորի վերաբերմունքից:
