2․503․976 ընտրողներից ընտրություններին մասնակցել է 1․476․597 ընտրող, կամ ընտրողների 58․97 տոկոսը։

Նշանակում է՝
-4 տոկոս շեմը հաղթահարելու համար որևէ կուսակցություն պետք է ստանա առնվազն 59․063 ձայն,
-8 տոկոս շեմը հաղթահարելու համար որևէ դաշինք պետք է ստանա առնվազն 118․127 ձայն,
-Ազգային ժողովում մեծամասնություն ձևավորելու համար որևէ կուսակցություն կամ դաշինք պետք է ստանա առնվազն 739․000 ձայն։

***

Քվեարկության ավարտից 2 րոպե առաջ զինվորականներին բերել են քվեարկելու Նուբարաշենի 10/51 ընտրատեղամասում։

Իրավաբան Տաթևիկ Սողոյանը ևս տեղեկացնում է․ «Քանի որ քիչ է մնացել ընտրություններին և տեսնում եմ, որ շատ ընտրատեղամասերի մոտ հերթեր են, հարկ եմ համարում նշել.

20:00 դրությամբ, եթե դուք տեղամասում եք, ոչ ոք իրավունք չունի ձեզ դուրս հրավիրել և չթողնել քվեարկության:

20:00-ից դռները փակվում են նոր եկող ընտրողների համար: Ներկաները մնում են այնքան մինչև քվեարկեն և դուրս գան: Անգամ եթե դա տևի ևս 30-40 րոպե»։

***

Վայքի 36/33 ընտրատեղամասում քվեարկությունը ընթանում է կոպտագույն խախտմամբ` հօգուտ ՔՊ-ի: Այս մասին գրել է «Հրապարակ»-ը` տեղադրելով տեսանյութ:

Հրազդանի գլխավոր ճարտարապետը Հրազդանի 26/11 ընտրատեղամասի մոտ հսկում է անցուդարձը:
Մանրամասները` տեսանյութում:

«Հրապարակ»-ը հրապարակել է տեսանյութ և գրել, որ Շենգավիթի ընտրատեղամասում ՔՊ-ականը մտել է քվեախուց և ուղղորդում է տարեց կնոջը:

Նուբարաշեն ՔԿՀ-ում ընտրություն կատարեց ՀՀ կրթության և գիտության նախկին նախարար, ՀՀԿ փոխնախագահ Արմեն Աշոտյանը։ ՔԿՀ աշխատակիցները թույլ չտվեցին հարցեր տալ Աշոտյանին։ Հիշեցնենք, որ Աշոտյանը 1 ամսով կալանավորվել է։

***

Լրագրող Սյուզի Բադոյանը ֆեյսբուքյան էջում գրել է․

«Շտապ Լիճք գյուղում դաժան ծեծի է ենթարկվել Նաիրի Հոխիկյանի եղբայր Լևոնը` ՔՊ-ականների կողմից:
ԼԻՃՔԻ ՔՊ-ԱԿԱՆ գյուղապետն Սիրեկանն է կազմակերպել ծեծը, իսկ միջադեպը ծագել է Լեւոնի կողմից հանձնաժողովականներին նկատողություն անելուց հետո:

Ինքը վստահված անձ է ընդդիմադիր ուժի կողմից:
Լևոնի հետ հաշվեհարդար են տեսել գյուղամեջում` գյուղապետ Սիրականյանի հրահանգով:
Ինձ հայտնեցին, որ ծեծի ենթարկված Լևոնին տեղափոխել են հիվանդանոց:
Ավելի ուշ մանրամասներ կհայտնեմ»:

«Մայր Հայաստան» կուսակցության անդամ Սոնա Աղեկյանը հայտնում է «Ահազանգ․ «Բարգավաճ Հայաստան»-ի թիվ 7 քվեաթերթիկը չեն տրամադրում ընտրողներին»։

Պատմաբան Վահե Սարգսյանը ֆեյսբուքյան իր էջում գրում է․ «Առանց չափազանցության եմ գրում․ ՔՊ-ականների խախտումները հարյուր-հարյուր բարձրանում են, ուղղակի չենք հասցնում ստացված ահազանգերն ու տեղեկատվությունը հրապարակել։
Փոխարենը՝ ընդդիմադիր ուժերից հարյուրավոր բերման ենթարկվածներ ու ձերբակալվածներ։ Ես իմ պրակտիկայում այսպիսի աննորմալ վիճակ չեմ տեսել»:

***

«ՀայաՔվե»-ի համակարգող Ավետիք Չալաբյանը պատասխանել է լրագրողների հարցերին: Նա նշել է, որ ՔՊ-ն ներկայացնող վստահված անձիք 7/2-ում գտնվում էին քվեախցիկների անմիջական հարևանությամբ: Նրա խոսքով՝ իրենց պահանջից հետո հեռացել են:

Դիտեք նաև՝

***

Փաստաբան Վարդուհի Սարգսյանի ֆեյսբուքյան գրառումը. «Համատարած ընտրակարգի խախտումներ են տեղի ունենում ամբողջ հանրապետությունում ժող բասծիոնի իշխող կուսակցության կողմից և դրանցից ամենավտանգավորներն են այս երեքը.
1. քվեարկողների հետ քվեախցում ՔՊ-ականների գտնվելը
2. ընտրությունը վերահսկելը՝ քվեախցում ընտրությունը տեսանկարահանելը ընտրողի կողմից, որն ունի կոնկրետ նպատակ և հասցեատեր
3. գյուղապետերի կողմից գյուղերի բնակիչների ուղղորդումը
Այս խախտումները ուղիղ ազդեցություն ունեն ընտրության արդյունքների վրա»:

***

«Ուժեղ Հայաստան»-ի անդամ Գոհար Մելոյանը գրում է. «Հանցագործության մասին հաղորդում.
Քաղաքացու կամքին միջամտելը՝ քրեորեն պատժելի արարք է:

ՀՀ կենտրոնական ընտրական հանձնաժողով, ՀՀ ներքին գործերի նախարարություն»:

«Մայր Հայաստան» կուսակցության անդամ Սոնա Աղեկյանը ֆեյսբուքյան իր էջում գրում է․ «Ահազանգ․․․
Քաղաքացի Նիկոլ Վովայի Փաշինյանը քվեարկության օրը չի հրաժարվել կուսակցական քարոզչությունից՝ ընտրատեղամաս ներկայանալով ՔՊ-ի նարնջագույն կրծքանշանով։
Եթե նույն քայլը կատարեր ընդդիմության որևէ ներկայացուցիչ, իշխանությունը և իրավապահ համակարգը, հավանաբար, անհապաղ արձագանքելու էին՝ հնարավոր բոլոր հետևանքներով…»։

***

«Ընտրակեղծիքները 2 տարբերակով են իրականացվում․ մեկը, օրինակ, որ առավոտից սկսել են ձերբակալությունները, խոչընդոտելը շտաբի պատասխանատուներին, կամավորներին, տարբեր հարացաքննություններ, մյուսը՝ կան բաց քվերակություններ և այլն, որոնք պրոբլեմատիկ են»,- այսօր քվեարկությունից հետո ճեպազրույցի ժամանակ ասել է ԱԺ «Հայաստան» խմբակցության պատգամավոր Իշխան Սաղաթելյանը։ «Բացի այդ, մենք մտահոգություն, նաև որոշակի տեղեկություն ունենք, որ տարբեր մարզերում ծառայություն իրականացնող ոստիկանության աշխատողները փորձ են անելու մեկից ավելի տեղերում քվեարկել»,- հավելել է Սաղաթելյանը։

***

«ՀայաՔվե»-ն հայտնում է. «Քվեարկության գաղտնիության խախտում 8/10 ընտրատեղամասում: 15/21 ընտրատեղամասում արձանագրվել է դեպք, երբ քվեարկությունն իրականացվել է ոչ թե ընտրողի, այլ նրա հարազատի կողմից»:

Լրագրող Սյուզի Բադոյանը ֆեյսբուքյան էջում գրել է․ «Մեղրիի 35/61 տեղամասում Մաքսայինի աշխատողը քվեաթերթիկները իր հետ փորձել էր դուրս տանել։
Այսինքն` ՔՊ-ին քվեարկելուց հետո մյուս 18-ը տանում էր երևի, որ ապացուցեր՝ ընտրել է Նիկոլին։
Տրամաբանությունը էդ է հուշում, վարչական աշխատող է։
Ընդգծեմ, որ բարլուսախառ ՊԵԿ աշխատողների խումբը միասնական է եկել ընտրատեղամաս՝ չսպասելով անգամ դրանց բացվելուն»։