▲ Դեպի վեր

lang.iso lang.iso lang.iso

«Այս ողբերգության պատասխանատուն ու մեղավորը Անահիտ Ավանեսյանն է». Իոաննիսյան

ԻՔՄ ծրագրերի համակարգող Դանիել Իոաննիսյանը ֆեյսբուքյան իր էջում գրում է. «Երեկ 57 մարդ մահացել է կորոնավիրուսից։ Սա գրողի տարած անտիռեկորդ է, որին մեզ հասցրեց Անահիտ Ավանեսյանը։
Սա ողբերգություն է։ Մահացության այս ցուցանիշը գալիս, հասնում է պատերազմի ժամանակ ռազմաճակատում զոհերի թվին։ Եվ այս ողբերգության առաջին պատասխանատուն ու մեղավորը վակցինացիայի հանրային կոմունիկացին տապալած կառավարությունն է` ի դեմս առողջապահության նախարար Անահիտ Ավանեսյանի։

http://asekose.am/filemanager/uploads/Anahit_Avanesyan.jpg
Մենք վակցինացիայի ցուցանիշով սարսափելի հետ ենք տարածաշրջանի բոլոր երկրներից, բոլոր հարևաններից ու իջել` հասել ենք աֆրիկյան բանանային հանրապետությունների մակարդակին։
Բոլոր երկրներում էլ կան վակցինացիայի դեմ ստեր տարածող խմբեր, բայց պետություններն իրենց հանրային կոմունիկացիան կազմակերպում են այնպես, որ մարդիկ չհավատան այդ ապուշություններին։
Իսկ Հայաստանում ոչ միայն դա չի արվում, այլև առողջապահության նախարարը այնպես է խոսում, որ նույնիսկ վակցինացվելուն տրամադրված անձինք են սկսում կասկածել։
Հ.Գ. Մեկ էլ Կառավարության հանրային կապերի ՊՈԱԿ, դուք կա՞ք։ Բացի իշխանամետ ստատուսներ տարածելուց ուրիշ բանի ունա՞կ եք»:

Այլ կայքերից և տելեգրամ-ալիքներից վերահրապարակումների սկզբնաղբյուրը նշվում է. Դրանցում տեղ գտած մտքերն ու ինֆորմացիան կարող են չհամընկնել խմբագրության տեսակետի հետ: Ձեր տեսակետը կամ հերքումը կարող եք ուղարկել info@asekose.am-ին, որը կհրապարակվի անմիջապես
Հասարակություն ավելին