▲ Դեպի վեր

lang.iso lang.iso lang.iso

Արտակարգ իրավիճակ Երևանում․ Արշակունյաց պողոտայում առաջացած փոսի պատճառով մեքենաներ են ջարդվում․ Մանուկ Սուքիասյան

Հերթական արտակարգ դրությունն է Երևանում։ Այս մասին ուշ գիշեր իրականացված ֆեյսբուքյան ուղիղ միացման ժամանակ հայտնել է Երևանի ավագանու «Մայր Հայաստան» խմբակցության ղեկավար Մանուկ Սուքիասյանը։

Նա տեղեկացրել է, որ Արշակունյաց պողոտայի վրա մեծ վիհ է առաջացել, ինչի հետևանքով մեքենաներ են ջարդվում։

«Խայտառակ տեսարան է։ Տեսե՛ք մերօրյա Երևանի վիճակը։ Մեքենաներ են էստեղ ջարդվում»,-նշել է Մանուկ Սուքիասյանը։

Տեղում է եղել նաև ջարդված մեքենաներից մեկի սեփականատեր Վլադիմիր Մանուկյանը, ով ընդգծել է, որ իր մեքենան ամբողջությամբ շարքից դուրս է եկել։

«Ամբողջ քաղաքում փոսեր են, փլուզումներ, գետեր են հոսում, ու ոչ մեկ դրա համար պատասխանատվություն չպե՞տք է կրի։ Մենք այդքան գույքահարկ ենք տալիս, մեր մեքենաները սարքում ենք, որ գանք էսպես ջարդե՞նք, ու ոչ մեկ դրա համար պատասխանատվություն չկրի՞»,-ասել է քաղաքացին՝ հավելելով, որ պարտադիր փոխհատուցում է պահանջելու քաղաքապետարանից։

Մանուկ Սուքիասյանն էլ ուշադրություն է հրավիրել այն փաստի վրա, որ մեր երկիրը՝ քաղաքից մինչև սահման, գտնվում է խայտառակ վատ վիճակում։

«Էս իշխանությունները մայրաքաղաքից մինչև սահման տապալվել են, տապալվում են ու շարունակելու են տապալվել։ Երևանում էլ քո տուն գնալու ճանապարհին կարող է քո մեքենան դառնալ մետաղաջարդոն, որովհետև ինչ-որ մարդիկ փորձում են ստով ու կեղծիքով խաբել»,-ասել է Մանուկ Սուքիասյանը՝ հավելելով, որ Երևանից սկսած մինչև հանրապետության սահմաններ պետք է տեղի ունենա իրավիճակի փոփոխություն։

Մանրամասները՝ տեսանյութում։

Վերահրապարակումներում` մտքերն ու ինֆորմացիան կարող են չհամընկնել խմբագրության տեսակետի հետ: Ձեր տեսակետը կամ հերքումը կարող եք ուղարկել info@asekose.am-ին
Հասարակություն ավելին