ԻՔՄ համակարգող, Հանրային խորհրդի անդամ Դանիել Իոաննիսյանը ֆեյսբուքյան իր էջում գրել է.

«Մի կիրակնօրյա գաղտնիք բացեմ
Շամշյանի մոտ կարդացած կլինեք այսպիսի անվանումներով ոստիկանական օպերացիաների մասին. «Իջիր ջրի հատակը, մինչև կանցնի վտանգը», «Շաուրմադ բալանդ կդարձնենք», «Ցռան վերգո», «Ջութակդ սպանում է քեզ», «Պալատ N 7» և այլ։
Բայց, իրականում, ոստիկանության օպերացիաների էպիկ անունները ոստիկանները չեն դնում։ Ոստիկանները, որպես կանոն, այդ գործողություններին որևէ անուն չեն դնում, բայց Շամշյանն ու այլ լրատվամիջոցներ, առավել սենսացիոն հնչելու համար, էպիկ անուններ են հորինում ոստիկանների գործողությունների համար։
Երբեմն այդ անունները նույնիսկ վիրավորական են հնչում իրավախախտներին բռնելու գործողություն արած ոստիկանների համար։
Իսկ հանրությունն այդ էպիկ անվանումներով անտեղի ծաղրական կարծիք է ձևավորում ոստիկանների մասին։
Ոչ բոլոր ոստիկաններն են լավը, բայց կան շատերը, որոնք պարկեշտորեն իրենց գործն են անում ու հեչ արժանի չեն նման ծաղրանքի»։