▲ Դեպի վեր

lang.iso lang.iso lang.iso

Վթարի է ենթարկվել «Բանակում» սերիալի Սեւակի դերակատարը

Ավելի վաղ asekose.am-ը տեղեկացրել էր, որ Կիևյան-Օրբելի խաչմերուկում ավտովթար է տեղի ունեցել, և տուժածներից մեկի վիճակը ծանր է: Հայտնի է դարձել, որ Ժամը 02:00-ի սահմաններում, վթարի է ենթարկվել «Շանթ» հեռուստաընկերության սերիալներում խաղացող դերասաններից մեկը` 24-ամյա Գուրգեն Մելքումյանը: «Մերսեդես» մակնիշի 87 ՕԼ 777 համարանիշի ավտոմեքենայի վարորդը Կիեւյան փողոցի թիվ 8 շենքի դիմաց բախվել է Լենինգրադյան 21 շենքի բնակիչ 54-ամյա Վլադիմիր Հովսեփյանի վարած «Կիա» մակնիշի Լ3841 համարանիշի ավտոմեքենային: Նախնական տեղեկություններով` «Մերսեդեսի» վարորդը դիմել է փախուստի, նրա ինքնությունը դեռ պարզ չէ: Վթարի հետեւանքով «Կիա»-ի վարորդը եւ նրա ուղեւորները տեղափոխվել են հիվանդանոցներ: Վ. Հովսեփյանն ու նրա ուղեւոր 28-ամյա Անդրանիկ Հակոբյանը տեղափոխվել են «Արմենիա» բժշկական կենտրոն, 23-ամյա Դավիթ Պողոյանը` թիվ 1 համալսարանական հիվանդանոց: Վիրավորները ստացել են կոտրվածքներ: «Կիա»-ի ուղեւորներից մեկն էլ 24-ամյա Գուրգեն Մելքումյանն է, ով այժմ նկարահանվում է «Շանթի» «Մաեստրո» սերիալում` որպես Նուռի դերակատար, իսկ «Բանակում» սերիալում եղել է Սեւակի դերակատարը: Երիտասարդը ավարտել է Թատերական ինստիտուտը, ամուսնացած չէ: Ինչպես հաղորդում է news.am-ը, «Էրեբունի» բժշկական կենտրոնի հասարակայնության հետ կապերի բաժնի ղեկավար Շուշան Հունանյանի խոսքով` Գուրգեն Մելքումյանը գտնվում է Վերակենդանացման բաժանմունքում, բժիշկները նրա վիճակը գնահատել են միջին ծանրության: «Նա ստացել է կոտրվածքներ, կյանքին վտանգ չի սպառնում, բժիշկների հսկողության տակ է»,- ասաց Շուշան Հունանյանը:

Այլ կայքերից և տելեգրամ-ալիքներից վերահրապարակումների սկզբնաղբյուրը նշվում է. Դրանցում տեղ գտած մտքերն ու ինֆորմացիան կարող են չհամընկնել խմբագրության տեսակետի հետ: Ձեր տեսակետը կամ հերքումը կարող եք ուղարկել info@asekose.am-ին, որը կհրապարակվի անմիջապես
Պատահարներ ավելին