Ծրագրավորող, մաթեմատիկոս Արթուր Ղազարյանը ֆեյսբուքյան իր էջում գրել է․ «Ալահշուքյուր Փաշազադեն վերջին երկու շաբաթում արդեն երկրորդ անգամ Վատիկանում է։ Հիմա էլ մտել է Վատիկանի գրադարան, որտեղ նրան են հանձնել մոտ 60 բացառիկ սկզբնաղբյուրներ` Ադրբեջանի ներկայիս տարածքին վերաբերվող։ Այսինքն` մեզ։
Փաշազադեին ուղեկցում են Ադրբեջանի ալբանական, ուդիական եկեղեցու ինքնակոչ առաջնորդ Ռոբերտ Մոբիլին, ռուս ուղղափառ եկեղեցու և հրեական համայնքի ներկայացուցիչները։
Վատիկանի դամբարանների հիմնանորոգումը՝ Ալիևի ֆոնդի ֆինանսավորմամբ, տալիս է իր պտուղները։ Ալբանական եկեղեցին Ադրբեջանի տարածքում անկասկած վերականգնվելու է։ Հիշեցնեմ, որ այն լուծարվել է 1830-ական թվականներին ցարական ուկազներով ու ենթարկեցվել էր Էջմիածնին։
Այժմ Արցախի, Գարդմանի, Գանձակի, Շիրվանի, Հյուսիսային Արցախի բոլոր եկեղեցիներն ու վանքերը կանցնեն ավտոկեֆալիայի ձգտող ալբանական եկեղեցուն ու կվերականգնվի կաթողիկոսությունը։ Ռուս ուղղափառ եկեղեցու դերակատարությունը այս ամենում չի կարելի անտեսել։ Հայ առաքելական եկեղեղեցու հիմնադիրներից Բարդուղիմեոսի շուրջ կատարվողի կնքահայրը հենց ռուսներն են, որոնք մեր առաքելական եկեղեցին համարում են աղանդ։
Հայ Առաքելական եկեղեցու շուրջ Հայաստանում կատարվողը չեմ տարանջատում այս գործընթացներից, քանի որ սրանք մի նպատակին ուղղված տարբեր արարներ են։ Ուղղակի Նիկոլը իրականացնում է հանձնարարության իր մասը, ռուսները` իրենց»։

Դիտեք նաև՝

***