Հիշեցում Asekose.am-ի կողմից` բլոգերների ու համացանցի օգտատերերի գրառումները ներկայացվում են առանց խմբագրման:
Տաքսիների վարորդների գերակշռող մասը հանցագործի, չէ′ կրկնահանցագործի` ռեցիդիվիստի տեսք ունեն: Իհարկե կան նաև բարետես, բարեկիրթ վարորդներ, սակայն նմանները քիչ են: Մնացածը` գերակշռող մասը, բռի են, զերծ սանիտարա-հիգիենիկ տարրական կանոններից, պահելաձևից…
Դա քիչ է, հիմա էլ անցել են ամառային «համազգեստի»` շորտերով, չստերով, իրենց փռչոտ ոտքերը վայելելու «հաճույքին» արժանացնելով ուղևորներին:
Ի վերջո, այս բնագավառը հսկող, կազմակերպող, համակարգող մարմինները, այդ բիզնեսով զբաղվող գործարարները կարո՞ղ են կարգավորել այս հարցը, թե՞ ոչ: Էլ չեմ ասում հանցավոր աշխարհի, կասկածելի վարքի տեր մարդկանց, սեռական փոքրամասնությունների, վատ վարքի տեր կանանց հետ այդ վարորդների կապի մասին…
Մի խոսքով, սա կարգավորման կարիք ունի, քանի որ մեր երկիր ժամանած հյուրերը մեր ազգի, մեր` բոլորիս մասին, կարծիք են կազմում նաև այս մարդկանց հետ ունեցած շփումներով…Իսկ այս պատկերով, այս մակարդակի ծառայությամբ, գումարած սպասարկման ոլորտի, հասարակական սննդի, մյուս ոլորտների թերությունները, հավատացեք, որ դրական լինել չի կարող:
Գուցե դասընթացներ, ունիֆորմա է պետք անվտանգության պահպանության ծառայությունների նման, տաքսիների ծառայությունների լոգոներով…
Չգիտեմ, պետք է մտածել ու հաստատ լուծում տալ, եթե ուզում ենք քաղաքակիրթ երկիր երևալ, որպես քաղաքակիրթ ազգ ներկայանալ…
