Հիշեցում Asekose.am-ի կողմից` բլոգերների ու համացանցի օգտատերերի գրառումները ներկայացվում են առանց խմբագրման:
Պետք է ազատվել «բիբիններից»
Վերջերս շատ էր խոսվում այն մասին, որ ՀԷՑ-ը վաճառվելու է, և էլ.էներգիայի թանկացման հետ կապված խնդիրները հնարավոր է այդ տարբերակով հաղթահարել:
Շատերը դա համարում էին հնարավոր, ոմանք էլ՝ անիմաստ: Ինչևէ, այսօր հայտնի դարձավ, որ ՀԷՑ-ը վաճառվելու է այլ ընկերությանը: Նշանակում է, որ կարող է ստացվել այնպես, որ մի ցեխից դուրս ենք գալու, մտնենք մեկ այլ ցեխի մեջ: Սակայն տվյալ պարագայում, թերևս հուսադրողն այն է, որ իշխանությունները պարզ հասկացան, որ հետագայում այդ ոլորտում բարձիթողի վիճակի հետ հարմարվելը և արդեն նոր ընկերության գործունեությանը կույր աչքով հետևելը կարող է բերել լուրջ հետևանքների:
Այն որ ՀԷՑ-ի վաճառքը անհրաժեշտ էր, խոսում էին մի շարք հանգամանքներ. վերջին տարիներին մի քանի անգամ բարձրացած հոսանքի գինը, տվյալ ընկերության «բիբինանմանների» անպատասխանատու և անհարգալից դրսևորումները, ստանձնած պարտավորությունների ոչ լիարժեք կատարումը, ապա նաև հոսանքի մատակարարման ընթացքում տեղ գտնող հաճախակի խափանումներն ինքնաբերաբար հանգեցրին վերոնշյալ հանգամանքին: Հետագա անելիքների տեսանկյունից, սակայն, գործող կառավարությանն ամենևին էլ թեթև օրեր չեն սպասվում:
Ի վերջո ոլորտի պատասխանատուները և հսկողություն իրականացնողները պետք է հասկանան, որ իրենց աշխատանքի որակից է նաև կախված՝ էլ.էներգիա սպառող մեր քաղաքացիներին արդեն նոր ընկերությունն ինչ անակնկալներ կարող է մատուցել:
Հիշեցնենք, որ այսօր կառավարության նիստում ՀՀ էներգետիկայի և բնական պաշարների նախարար Երվանդ Զախարյան հայտարարել է, որ «ՀԷՑ»-ի 100 տոկոսի սեփականատեր «Inter RAO Holding B. V.» ընկերությունը հայտ է ներկայացրել ՀԷՑ-ի բաժնետոմսերը «Liormand Holdings Limited »-ին օտարելու վերաբերյալ: