Հանրապետության հրապարակում հավաքվել են տաքսու վարորդները: Վերջիններս իրենց մեքենաներով փակել են հրապարակը: Նրանք պահանջում են հարկային բեռի թեթևացում և կայանատեղիների համար սահմանված վճարի նվազեցում, որը տարեկան սահմանված է 12 հազար դրամ:
Վարորդները հայտնում են, որ չեն պատրաստվում հեռանալ մինչև իրենց հարցերին լուծում չտրվի: Երևանի փոխոստիկանապետ Վալերի Օսիպյանը ժամանեց Հրապարակ և վարորդներին հորդորեց մեքենաները դուրս բերել փողոցից, սակայն վարորդներն անդրդվելի են:
