Asekose.am-ին հաջողվել է տեղեկություններ ստանալ Կառավարությունում ինքնասպանության փորձ կատարած անվտանգության աշխատակից Լյուդվիգ Հովհաննիսյանի առողջական վիճակի մասին:
Հիվանդանոցից մեզ հայտնեցին, որ տուժողի վիրահատությունը բարեհաջող է անցել:
«Հիվանդը տեղափոխվել է վերակենդանացման բաժանմունք, վիճակը ծայրահեղ ծանր է»,-հայտնեց բժիշկ Կարեն Սահակյանը՝ հավելելով, որ Լյուդվիգ Հովհաննիսյանը շնչում է արհեստական շնչառության սարքի միջոցով:
Հիշեցնենք, որ այսօր՝ սեպտեմբերի 7-ի վաղ առավոտյան, կառավարության անվտանգության աշխատակից Լյուդվիգ Հովհաննիսյանն ինքնասպանության փորձ էր արել: Նրան գլխի հրազենային վնասվածքով տեղափոխել էին թիվ 1 համալսարանական հիվանդանոց:
Հեղինակ` Լիլիթ Նավասարդյան