«Բոլորս տեսնում ենք, որ Նիկոլ Փաշինյանը հստակ գիտի, թե երբ և ի՞նչ պետք է անի: Կարծում եմ՝ ՀՀԿ-ն պետք է ապահովի իշխանության անցնցում փոխանցումը, պետք է Սերժ Սարգսյանի նման ասեն, որ սխալվել են: Հատ-հատ չենք կանչելու ու ասենք՝ եղբա՛յր, իշխանությունը պետք է հանձնեք: Իրենց ղեկավարն արդեն ասել է, որ սխալվել են.թալանել են, կերել, մարդկանց քշել Հայաստանից ու գլուխ գովել: Հիշո՞ւմ եք, ասում էին, թե մնան, հեղափոխությո՞ւն անեն: Աբսուրդը հասել է այն աստիճանի, որ հասկացել են՝ իշխանություն չեն»,-լրագրողների հետ հանդիպման ժամանակ ասաց երգիչ, երգահան Էդուարդ Զորիկյանը:
Ինչ վերաբերում է մերօրյա երիտասարդներին՝ նկատեց.
«Մենք նրանց երկար էինք սպասել, պետք է չխանգարենք: Նրանք մեր խորհրդի կարիքը չունեն»:
Շարունակելով նրան՝ երգահան Վախթանգ Հարությունյանը նշեց.
«Երիտասարդներն են այն արժանապատիվ տեսակը, որոնց այսքան սպասել ենք: Կարծում եմ՝ ճիշտ են անում, որ անտեսում են հին սերնդի բոլոր ներկայացուցիչներին, որովհետև նրանց առաջարկած մոդելը երբևէ չի եղել, այն բացառիկ է: Նոր սերնդին պետք է վստահենք: Իրականությունը, որը պետք է կառուցեն, իրենք են ապրելու: Եկեք թույլ տանք, որ այն նոր ու լուսավոր լինի: Այլևս չպետք է տեսնենք մականունավոր երևույթների, ժողովրդի արյամբ կառուցվող գեղեցիկ տներ՝ Մոնումենտում»:
Անի Կարապետյան
Մանրամասները՝ տեսանյութում