«Նիկոլի գնալով ի՞նչ հարց ենք լուծում․ առնվազն երկու կարևոր հարց՝ ինքն իր հետ տանում է իր բանավոր պայմանավորվածությունները։ Շահում ենք ժամանակ։ Էս պրոցեսի մեջ շատ կարևոր է ժամանակը»,- ԱԺ «Հայաստան» խմբակցության պատգամավոր Գեղամ Մանուկյանի հետ զրույցում՝ խոսելով երկրի ներքաղաքական խնդիրներից, ասել է «Հայաստան» խմբակցության պատգամավոր Իշխան Սաղաթելյանը։

«Քամուց արյան հոտ է գալիս, մենք մոտ ենք նոր պատերազմին։ Էս ցեղասպանությունից առաջ խրախճանք է․․․Երկրում փող կա, էդ փողի ծագման աղբյուրի մի մասը հայտնի է, մի մասը հասարակության համար հայտնի չի, բայց ինձ համար հայտնի է՝ թուրքական փողը՝ հասարակությանը բթացնելու համար։ Պատահական չի, որ Երևանում լավագույն համերգներն են տեղի ունեում, պիտի շեղեն»,- ասել է Սաղաթելյանը՝ հավելելով․ «Ովքեր ասում են ելք չկա, ես ասում եմ՝ կա, եկեք փորձենք»։