ՀՅԴ երիտասարդներն իրականացրել են բողոքի երթ. նրանք պահանջում են ԿԳՄՍ նախարար Արայիկ Հարությունյանի հրաժարականը: Ակցիայի մասնակիցները, վանկարկելով «Արայի՛կ, հեռացի՛ր», Մաշտոցի պողոտայով շարժվել են դեպի ԿԳՄՍ նախարարության շենք: «Արայիկ Հարությունյանը մերժված է ուսանողների կողմից, աշակերտների կողմից: Արայիկ Հարությունյանը մերժված է հայ ժողովրդի կողմից: Հայաստանը հայ ժողովրդի հայրենիքն է, ուրեմն Հայաստանում կրթությունը պետք է լինի ազգային: Հայաստանի Հանրապետությունում ապազգային քաղաքականությունը մերժվում է»,- երթի ընթացքում հայտարարեց ՀՅԴ երիտթևի երիտասարդներից մեկը: