Հասուն գորշ արջերը բավական միայնակ կյանք են վարում, եթե իհարկե ձագերի հետ չեն։ Ձագերն ու մայր արջը մինչև «վերջնական բաժանումը» դեռ որոշ ժամանակ միասին են անցկացնում։ CWR տարածքում նկարահանված այս 2 «դեռահաս» արջերը, հավանաբար, քույր և եղբայր են, որոնք վայելում են իրենց գիշերային լոգանքը։

Ի դեպ, միայն մարդիկ չեն, որ լոգանք են ընդունում հանգստանալու նպատակով։ Բրդոտները ևս լոգանքի կարիք են ունենում, հաճախ որպեսզի նվազեցնեն մարմնի ջերմաստիճանը և զովանան։ Հետաքրքիր է նաև, որ լոգանքն արջերին օգնում է ազատվել արտաքին մակաբույծներից։ Ահա՜, այսպիսի սիրուն ու հետաքրքիր տեսանյութ ձեզ: