▲ Դեպի վեր

lang.iso lang.iso lang.iso

«3 միլիոնով 30 հոգու չենք կարողանում աթոռից կտրենք». Ալեքս Թովմասյան

 

Պայմանագրային զինծառայող Ալեքս Թովմասյանը ֆեյսբուքյան իր էջում գրում է. «5000 տղու կյանք են կտրել։ 5000 ընտանիքից հորն են կտրել, եղբորն են կտրել, զավակին են կտրել, ամուսնուն են կտրել։ Կտրված տղերքի դեռ նոր ծնվող ու այդպես էլ չծնված սերունդն են կտրել։ Հայաստանից Արցախն են կտրել։ Մարդկանց մեջ հույսն են կտրել, դեմքերից ժպիտն են կտրել։ Հայի պատմությունն են կտրել, մեր պետականությունն են կտրել։ Ամբողջ աշխարհի առաջ մեր հպարտությունն են կտրել։ Մեր խաչքարերն են կտրել։ Մեր ապագան ու ճակատագիրն են կտրել։ Ազգի մեջ սև ու սպիտակի միջոցով միասնականությունն են կտրել։ Որբի հացն են կտրել, հաշմանդամի պրոտեզն են կտրել։ Թոշակառուի թոշակն են կտրել, նպաստառուի նպաստն են կտրել։ Ապրողի ապրուստն են կտրել։ Հայերի մեջ հայ տեսակն են կտրել, մեզ մեզանից են կտրել...
Իսկ դուք ասում եք ծառներ են կտրել։
Ավելի լավ է ձայններս կտրենք, որովհետև 3 միլիոնով 30 հոգու չենք կարողանում մի աթոռից կտրենք։
Բավ է, ուղղակի լռեք...»:

Վերահրապարակումներում` մտքերն ու ինֆորմացիան կարող են չհամընկնել խմբագրության տեսակետի հետ: Ձեր տեսակետը կամ հերքումը կարող եք ուղարկել info@asekose.am-ին
Քաղաքականություն ավելին