Շիրակի մարզի դատախազության առաջ հավաքված ցուցարարներին դիմել է Հայ Առաքելական Եկեղեցու Շիրակի թեմի առաջնորդ Միքայել եպիսկոպոս Աջապահյանը, ով հանդարտության կոչ է արել ու ասել է, որ մտնում է Գյումրիում գտնվող Հայաստանի գլխավոր դատախազի մոտ` միջնորդելու, որ ձերբակալվածներն ազատ արձակվեն:
Սրբազանը նաև ասել է, որ կա 13 ձերբակալված, 14 վիրավոր, որոնցից մեկի վիճակի ծանր է...
-Տուն գնացեք, բավարար է այսօր, օրհնում եմ Ձեզ, գնացեք տուն, որպեսզի ես մտնեմ գլխավոր դաըախազի մոտ, ով որ լսում է ինձ թող գնա, թող մնան չլսողները ու տեսնեմ, թե որտեղից է այդ չլսողը...Գնացեք տուն, ձեր ցավը տանեմ, ժողովուրդ...,-ժողովրդին դիմելով ասել է սրբազանը:
Ցուցարարները սրբազանի խոսքից հետո սկսել են հեռանալ Շիրակի մարզի դատախազության շենքի մոտից:
